https://youtu.be/_zrofClZlbY
نویں تریخ
دن تے پورا سالم ہونداے رات کیوں ونڈی جاندی اے
ایدھرے اودھرے اگے پچھے ادھ وچ ٹنگی جاندی اے
ادھی راتی اج دے وچوں کل دا سپ نکلدا اے
گھنٹے چوکھے لگ جاندے نیں جد تک سورج چڑھدا اے
سو جاون جد تھکے ٹُٹے جھٹ ذرا جیا لاون لئی
او ای ویلا چنیاں اے پنچاں نے دن بدلاون لئی
روز ای فجری او ہی دیہاڑی مڑ مڑ لانی پیندی اے
جے دن نوں پرتاوناں اے تے رات جگانی پیندی اے
اوس گھڑی نوں پھڑ نییں سکدے کلیاں راتی جاگن نال
اندر گھنٹا وجدا اے تے تاں ای بندا اے گھڑیال
ناصر گوندل، نیو یارک
اتوار18/اپریل2021
