https://youtu.be/QffP3Nz1xZo
لین
عمر گنوائی لیناں لگے
اک مکی تے
دوجی لین دے پچھے آن کھلوتے
نکے ساں تے نکیاں لیناں
وڈے ہوئے تے
نال و نال ای وڈیاں ہو گیاں لیناں
جد وی مڈھ اپڑناں واں
چوکی بیٹھا
دوجی لین دی پرچی کٹ کے
دوجا راہ وکھا دیندا اے
فیر میں لینے لگ جاندا واں
ہون وی لین کھلوتا واں
پر کی لین کھلوتا واں؟
اے تے چوکھیاں لیناں پہلے
لین و لین چلا کے مینوں
ایسا بھل بھلیکھا پایا
ہون اینج عادت پے گئی اے کے
لین دے مڈھ اپڑتے تایئں
اگلی لین دی پرچی پھڑنے
اپنا ہتھ ودھا دیندا واں
ناصر گوندل
حلقہ ٗ اربابِ ذوق، نیو یارک
اتوار ۱۸ جولائی، ۲۰۲۱
