دل دا کوٹھا خالی کر
کھوٹ نہ سُچ پرکھیا ای
کچرا سانبھ کے رکھیا ای
حیلے مکر منہ آئی باتاں
تیر کمان نشانے گھاتاں
غرضاں حرصاں ات خمار
فیلیاسوفی سوچ وچار
جند جوانی کر کے ساڑ
چُکدا جانیں کوڑ کباڑ
تک تک کے اِترانا ایں
دلدل پھسدا جانا ایں
کیچ کچیلا ہو گیا اے گھر
کوڑا سُٹ پوتر کر
ٹاکی مار پچارے لا
بوہے کھول تے دھپ لوا
نویں پڑونڑیں آونا ایں
سارا کھیڈ مکاوناں ایں
جاگدا رہ اڈ یکاں لا
جو محرم اے او آوے گا
اوس تیکر رکھوالی کر
دل دا کوٹھا خالی کر
ناصر گوندل،
سنگت
اتوار9/مئی2021
