Ghazal/Terey Ghar Ka Pata Naheen Bhoola

غزل

تیرے گھر کا پتہ نہیں بھولا

سدرۃ المنتہیٰ نہیں بھولا

کاش اک دن یہ کہہ سکوں میں بھی

مجھ کو میرا خدا نہیں بھولا

وہ سکھی ہے تونگری میں جو

شدتِ ابتلا نہیں بھولا

جاتے جاتے پلٹتی نظروں سے

وہ تیرا دیکھنا نہیں بھول

دوش اپنا رہا نہ یاد مجھے

پھر بھی میں آپ کا نہیں بھولا

منزلوں کا مغالطہ بھی ہے

میں فقط راستہ نہیں بھولا

چونکہ اپنا تھا فایٔدہ اس میں

اس لیٔے آپ کا نہیں بھولا

یاد رکھنا جسے اذیّت تھی

میں وہی واقعہ نہیں بھولا

ایسے لگتا تھا بھول جائے گا

ہے عجب ماجرہ نہیں بھولا

عدلِ گم گشتہ کو خبر کر دو

بے زباں دیکھنا نہیں بھولا

ناصر گوندل

حلقہِ اربابِ ذوق، نیو یارک

آن لایٔن اجلاس

اتوار،۳۱ مئی، ۲۰۲۰؁ء